Sølvgarden Hotell & Feriesenter ligg i idylliske Setesdal blant fossar og fjell. Dei rolege omgjevnadene og den flotte naturen er med på å skape den perfekte og eventyrlege ramma rundt den store dagen, anten de ynskjer ei lita intim feiring eller ei større markering. Vår strategiske plassering, midt i Setesdal, gjev mange moglegheiter for kor vigselen kan finne stad, samt kort veg til både flotte plassar for fotografering og Sølvgarden.

I vår- og sommarmånadene er det mange brudepar som vel å ha vigselen nede ved elva, Otra. Her har me opparbeid eit område perfekt for anledninga. Vigselen kan også finne stad i Hylestad Kyrkje, ca. 500 meter frå Sølvgarden, eller kanskje blant gamle bygningar på Rygnestadtunet som har røter tilbake til middelalderen.

God mat gjer seg ikkje sjølv, det krev gode råvarer og kjærleik til faget. Hos oss skal mat vere ei oppleving, og skal også kunne nytast med augne. Me serverer helst råvarer som er hausta i naturens spiskammer eller tilskipa av lokale produsentar. Vel blant vår bryllupsmeny eller komponer din eigen.